Мамины слова - это оберег. Да? Согласны?
Нине мутымат кажне эрдене пелештем...
Эргымлан службыштыжо полшаш...
Поро Ош Кугу Юмо, Эр Юмо, Эр Суксо, Эрге Пÿрышö, Мер Юмо! .... эргымым коштмаш корныштыжо пиал дене коштыкто.
Кава Юмо, Ош Кече Ава! Чонжым порылык дене ырыктен шого.
Тÿнямбал Кугу Юмо, Тÿнямбал Кугу Серлагыш! Сай тазалыкым пуэн шого, осал тушман деч, чыла осал деч арале.
Шочынава! Серлагышым, тазалыкым пуэн шого. Арален ашне.
Кугыжан Кугу Юмо! Сай служитлен толаш полшо. Поро илышым, чын йолташ-влакым пу, командир-влакынат кумылыштым эргым ваке савырен шого - поро сай ача, ÿшанле иза гай тудлан лийышт.
Кугу Серлагыш, сай серлаген коштыкто! Таза кап-кылан, волгыдо уш-акылан пöртыл толжо. Элым вияҥдаш, сурт-печым кучаш, ÿдырым налаш, тичмаш еш дене илаш, пиалан илышым чоҥаш пöртыл толжо.
Пÿрышö Юмо, пÿрен ашне.
******************************
Поро мут, поро шонымаш, поро паша дене илышна ворона, тÿзлана, пиалан лиеш. Тыге? Тидлан ÿшанеда?
#этноблогерЭльвираКуклина
#ешилышпиал #семьясмыслжизни
